Tuesday, May 14, 2013

အနီရောင်ကြိုး


ကမ်းစပ်သို့ တဝုန်းဝုန်း လာရောက်ရိုက်ခတ်နေသော ရေလှိုင်းများကို ငေးမောကြည့်နေရင်း သူ့စိတ်တွေသည်လည်း ထိုရေလှိုင်းများလို လှုပ်လှုပ်ခတ်ခတ် ဖြစ်နေသည်ကို သတိထားလိုက်မိသည်…။ အတိတ်ဆိုသည်မှာ အချိန်ကာလ မည်မျှပင် ကြာမြင့်စေကာမူ မေ့ပျောက်စေနိုင်သောအရာတခု မဟုတ်မှန်း အချိန်ကြာလာသည်နှင့်အမျှ သူ ပိုနားလည် လာခဲ့သည်။ ရေလှိုင်းများကို တလှည့် လက်ထဲမှာ ကိုင်ဆောင်ထားသော အနီရောင် လက်ပတ်ကြိုးလေးကို တလှည့် ကြည့်ရင်း နောက်ဆုံးမှာ ထိုကြိုးလေးကို နှုတ်ခမ်းဖျားဖြင့် အသာ ထိကပ် နမ်းလိုက်ပြီး ရေလှိုင်းတွေကြားထဲကို လွှတ်ချလိုက်တော့သည်…။ အရာအားလုံးကို ပြီးဆုံးသွားစေခဲ့ပြီ…

တချိန်ကတော့ ထို အနီရောင် လက်ပတ်ကြိုးလေးသည် သူ့ဘဝ၏ တစိတ်တပိုင်း၊ သူ့ဘဝ စာအုပ်၏ စာမျက်နှာ တချို့ဆိုလျှင်လည်း ဟုတ်သည်။ သူ့ အဖေါ်ဆိုလျှင်လည်း ဟုတ်သည်။ သူ့ကို အထောက်အပံ့ပြုသော သူ့ကို အကူအညီများစွာ ပေးခဲ့သောအရာလေးတခုဆိုလျှင်လည်း မမှား…။ သူ ထိုအနီရောင်ကြိုးလေးနှင့် အတူတူရှိခဲ့သော ညနေခင်းများစွာထဲမှ တခုသော မှောင်ရီရီညနေခင်းကို ယခုအချိန်မှာ ပြင်းပြင်းပြပြ အမှတ်ရနေမိသည်…

*****

ဖွင့်ကာစ ကုန်တိုက်ကြီးတခု၏ အဝင်ဝနားမှ ပန်းအလှစိုက်သော စဥ့်အိုးအကြီးကြီးသည် သူ့အတွက် ပြည့်စုံ လုံလောက်သော အကာအကွယ်တခု ဖြစ်သည်။ ထိုစဥ့်အိုးကြီးနားမှ ခုံတန်းရှည်လေးတွင် ဦးထုပ်ကို ခပ်ငိုက်ငိုက်ဆောင်းပြီး သူ ထိုင်လေ့ရှိသည်။ ဝင်လာသမျှ လူများ ရုတ်တရက်ဆိုလျှင် သူ့ကို အလွယ်တကူ မမြင်နိုင်ချေ။ ထိုနေရာမှာ ထိုင်လိုက်ပြီး ပထမဆုံး လုပ်သော အလုပ်မှာ လက်ပတ်ကြိုး နီနီလေးကို လက်ကောက်ဝတ်မှာ ပတ်လိုက်ခြင်းဖြစ်သည်။ ဒါဆို အလုပ် စ ပြီ ဟု ဆိုနိုင်ပေပြီ။

ညနေခင်းအချိန်ဖြစ်သောကြောင့် ကုန်တိုက်ကြီးထဲမှ ဆိုင်ခန်းများမှာ ဈေးသည် ဈေးဝယ်များလည်း တစထက် တစ စည်ကားလို့လာပြီ။ လူ အများစုကတော့ သူရှိရာနေရာကို မည်သူမျှ သေသေချာချာ ဂရုမပြုကြပဲ ဖြတ်သွား ဖြတ်လာပြုကြသည်။ ထိုစဉ် တဒေါက်ဒေါက်နှင့် စည်းချက်ညီညာသော ခွာမြင့်ဖိနပ်သံ တစုံသည် သူ့အနီးတွင် အသံတိတ်သွားသည်။ သူ မော့ကြည့်လိုက်သည်။ လှပစွာ ဆင်ပြင်ထားသော အမျိုးသမီးတယောက်… အတွေ့အကြုံအရ ထိုအမျိုးသမီး၏ အသက်ကိုတော့ ၃၅ နှစ်လောက်ဟု ခန့်မှန်းမိသည်။ သေချာသည်ကတော့ ထိုအမျိုးသမီးကို သူ တခါမှ မတွေ့ဖူးသေး… ထိုစဉ်မှာ အမျိုးသမီးက သူ့ကို ခေါင်းတချက် ဆတ်ကာ လှစ်ကနဲ ပြုံးပြသည်။ ထိုအခါ သူ ထိုင်ရာမှ ထ လိုက်သည်။ ဦးထုပ်ကို ပိုမို ငိုက်အောင် ဆွဲချရင်း ကျောပိုးအိပ်ကို လွယ်ကာ ထိုအမျိုးသမီး၏ ခြေလှမ်းများနောက်မှ ခပ်ခွာခွာ လိုက်လာခဲ့သည်။ မြေထပ်ထဲမှ ကားရပ်နားရာနေရာသို့ ရောက်လာသောအခါ အမျိုးသမီးက ကားသော့ကို လှမ်းပစ်ပေးလိုက်သည်။ ဟား… ကားက တကယ် အပျံစားပါလား…။ ထိုစဉ် နာမည်ကြားရုံဖြင့် ခန်းနားမှုကို သိနိုင်သော ဟော်တယ်ကြီးတခု၏ အမည်ကို အမျိုးသမီးက ခပ်တိုးတိုး ရေရွတ်လိုက်သည်။ အိုးကေ… သူ တစုံတရာကို တွေးရင်း ရွှီကနဲ လေတချက် ချွန်လိုက်သည်။ ကားမောင်းနေစဉ်တလျောက်လုံး ထိုအမျိုးသမီးက သူ့ကို စကားတခွန်းမှ မပြော၊ အကဲခတ်ဟန် စပ်စုဟန်လည်း လုံးဝ မပြပါ။ ရင်းနှီးကျွမ်းဝင်နေပြီးသော သူငယ်ချင်း မိတ်ဆွေတယောက် မောင်းသောကားကို စီးလာလေဟန်ဖြင့် အေးအေးဆေးဆေး သက်တောင့်သက်သာ…။ ဘယ်လို မိန်းမပါလိမ့်…

ထိုဟော်တယ်ကြီး၏ အခန်းနံပါတ်မှာ ၃၀၇၆ မှာ တမြို့လုံးကို အပေါ်စီးက လှလှပပမြင်နိုင်ပြီး ခန်းနား ကျယ်ဝန်းသော အခန်းတခန်း ဖြစ်သည်။ အနက်ရောင် သားရေ ဆိုဖါပေါ်တွင် ခြေထောက်ကို ချိတ်၍ ခပ်မတ်မတ် အနေအထားဖြင့် ထိုင်နေသော အမျိုးသမီးကို သူ တချက်ကြည့်ပြီး ဘာလုပ်ရမှန်းမသိလျှင် လုပ်နေကျ အမူအရာအတိုင်း ခေါင်းကို မော့ကာ ဆံပင်ကို တချက်သပ်လိုက်သည်။ သူ့အခြေအနေကို သိနေသည့်အလား အမျိုးသမီးက “ထိုင်လေ…” ဟု ဆိုကာ မျက်နှာချင်းဆိုင်မှ ဆိုဖါကို မေးဆတ်ပြသည်။ သူ ဝင်ထိုင်လိုက်ပြီး အတန်ကြာသည်အထိ အမျိုးသမီးက ဘာစကားမှ မဆိုတော့။

အရင်က တွေ့ဖူးနေကျ အမျိုးသမီးများလို မင်း အသက်ဘယ်လောက်ရှိပြီလဲ… ဒီလိုလုပ်နေတာ ဘယ်လောက်ကြာပြီလဲ… ဘာလို့ ဒီအလုပ်မျိုး လုပ်တာလဲ… ကျောင်းတက်သလား… ဒီအလုပ်လုပ်တာ ကျောင်းချိန်တွေကို မထိခိုက်ဖူးလား… စသော မိန်းမပီပီ စပ်စပ်စုစု မေးခွန်းများကို မျှော်လင့်ထားသော်လည်း ဘာမှ မမေးပါ။ ထို့အပြင် အရင်က တွေ့ဖူးနေကျ အမျိုးသမီးများလို သူ့အနီးကို တိုးကပ်လာကာ တွတ်တီးတွတ်တာ စကားများလည်း မပြောဆိုပါ၊ ပွတ်သီးပွတ်သပ်လည်း လာမလုပ်ပါ။ တချို့တချို့သော အမျိုးသမီးများလို သူတို့၏ လွမ်းခန်း ဆွေးခန်းများ၊ သူတို့၏ မလှပသော ဇာတ်လမ်းများကို ဝမ်းနည်းစွာဖြင့် တဖွဲ့တနွဲ့ ပြောမည့်ပုံလည်း မရပါ။ ဆိုဖာပေါ်တွင် သက်သက်သာသာ ထိုင်နေရင်းက ခပ်တည်တည်ပင် သူ့ကို လှမ်းကြည့်နေလေသည်…။ ကြာတော့ သူ စဉ်းစားရကြပ်လာသည်။ အနေခက်လာသည်။ ဒီမိန်းမ ဘာအတွက်ကြောင့် ငါ့ကို ခေါ်လာတာပါလိမ့်…

“အဝတ်တွေ ချွတ်လိုက်ပါလား…”

မျှော်လင့်မထားသော စကားမို့ အငိုက်မိသွားပြီး ခင်ဗျာ… ဟု တအံ့တသြ ပြန်မေးလိုက်သံကြောင့် အမျိုးသမီးက နောက်တကြိမ် ထပ်ပြောရသည်။ သူ့ကိုယ်ပေါ်မှ နောက်ဆုံးလက်ကျန် အဝတ်ကို ချွတ်မည်အလုပ်မှာ…

“အိုကေ… အိုကေ… တော်ပါပြီ… ဒီလောက်ဆို ရပါပြီ…” ဟု ထိုအမျိုးသမီးက ရယ်မြူးရိပ်ပါသော လေသံတိုးတိုးဖြင့် ပြောသည်။

ခက်လိုက်တာ… သည်အလုပ်လုပ်နေသည်မှာ ကာလ အတန်ကြာပြီဖြစ်သော်လည်း ဘာကြောင့် ဒီမိန်းမရှေ့မှာ ရှိုးတိုး ရှန်းတန်း ဖြစ်နေသည်ကို ကိုယ်တိုင် နားမလည်နိုင်…။ ခပ်ပြုံးပြုံး မျက်နှာပေးနှင့် သူ့ကို စိုက်ကြည့်နေသော အမျိုးသမီးကို တချက်ကြည့်ပြီး မျက်နှာလွှဲလိုက်သည်။ ချောတော့ တော်တော်ချောတဲ့ မိန်းမတယောက်ပဲ… ဒါပေမယ့် ဒီမိန်းမ အကြည့်က တဆိတ်တော့ ခပ်ကြောကြောနဲ့ အထက်စီး ဆန်လှချည့်…။ ငါ ပိုက်ဆံပေးရမှာပဲ ငါ လုပ်ခိုင်းချင်တာ ခိုင်းမယ်ဟူသော အချိုးမျိုးလား…။ ဒေါသ၊ ခံပြင်းစိတ်နှင့် ရှက်စိတ်တို့ကြောင့် သူ့ သွေးတွေ ရုတ်ချည်း ဆူဝေလာသည်။

“တော်တော်ကြည့်လို့ကောင်းတဲ့ ယောက်ျားတယောက်ပဲ… မင်းသား လုပ်ရင် ကောင်းမယ်… ဘယ်လိုလဲ… မင်းသားလုပ်မလား…” ထိုစကားအဆုံးမှာ သူမ၏ မှတ်ချက်ကို သူမဖာသာ သဘောကျသွားလေဟန်ဖြင့် အသံထွက် ရယ်မောနေသေးသည်။ ဒီမိန်းမ မေးတာကို ပြန်ဖြေရမှာလား… ဒါမှမဟုတ် ကျေးဇူးတင်ပါတယ်လို့ ပြန်ပြောရမှာလား… မပြောဘူးကွာ… မပြောဘူး… သူ့အတွေးနှင့်သူ တယောက်တည်း ရှုပ်ရှက်ခတ်နေသည်။

“ကိုယ့်ကို ဟိုဖက်စားပွဲပေါ်က ရေပုလင်းလေး ယူပေးပါလား…”

ဒါ သူ့ကို ထိုင်နေရာမှ ထခိုင်း၊ လမ်းလျှောက်ခိုင်းလိုက်တာပဲပေါ့…။ သူ ထိုင်နေသော နေရာနှင့်ဆိုလျှင် ခြေလှမ်း ဆယ်လှမ်းစာခန့် ဝေးသော စားပွဲဆီသို့ သွားရန် ထိုင်နေရာမှ လေးတွဲ့စွာ ထရပ်လိုက်သည်။ ထိုအခိုက်အတန့်လေးမှာပင် တခါမှ မရှက်စဖူး ထူးထူး ခြားခြား ရှက်စိတ်ဝင်လာခဲ့သည်။ သို့သော်လည်း… စားပွဲရှိရာကို ခပ်သွက်သွက် လျှောက်ပြီး ရေပုလင်းကို ယူပေးလိုက်သည်။ ပုလင်းထဲမှ ရေကို သက်တောင့်သက်သာ မော့သောက်နေသော အမျိုးသမီးကို ကြည့်ရင်း သူ အာခေါင်တွေ ခြောက်သွေ့လာခဲ့သည်။ ပြဿနာပဲ…။ လက်ထဲမှ နာရီကို ငုံ့ကြည့်လိုက်မိသည်။

သူ ဒီနေရာကို ရောက်နေတာ တနာရီနီးပါး ကြာခဲ့ပြီပဲ…။ ဒီမိန်းမ ဘာမှ ဆက်လက် မလှုပ်ရှားတော့ရင်၊ ဘာမှ မထူးခြားတော့ရင် ဒီအလုပ်ကို တနာရီနှင့် သူ ဖြတ်ချင်ပြီ…။ ဒီမိန်မးရှေ့က သူ အမြန်ဆုံး ထွက်သွားချင်လှပြီ…။

“ကျွန်တော့ အချိန် တနာရီ ကုန်သွားပြီ… နောက်ထပ် ဘာမှ မလိုအပ်တော့ရင် ကျွန်တော် ပြန်မယ်…”

စက္ကန့်ဝက်ခန့် စောင့်နေသော်လည်း သူမထံမှ မည်သည့် တုံ့ပြန်မှုကိုမှ မကြားရသောကြောင့် အဝတ်များကို ခပ်သွက်သွက် ယူဝတ်လိုက်မိသည်။ ရှက်စိတ် ခံပြင်းစိတ်တို့ကြောင့် လူက ထူထူပူပူလည်း ဖြစ်နေခဲ့သည်။ ထိုစဉ်မှာပင် သူမထံမှ စကားသံ ထွက်လာတာဖြစ်သည်။

“ဟုတ်ပြီ… မင်းအတွက် တနာရီစာ လုပ်အားခ ပေးမယ်… နောက်ပြီး မင်းလက်ထဲက လက်ပတ်ကြိုး အနီရောင်လေး ကိုယ့်ကို ဘယ်လောက်နဲ့ ပြန်ရောင်းနိုင်မလဲ ပြောပါလား… တသက်လုံး ပြန်မဝတ်တော့ဘူး ဆိုတဲ့ ကတိနဲ့ အတူပေါ့…”

ရုတ်တရက် သူ ကြောင်သွားသည်။ နောက်မှ တဖြည်းဖြည်း သဘောပေါက်လာသည်။ သူ အံကိုကြိတ်၍ ခပ်တိုးတိုး ဆဲရေးလိုက်သည်။ ပြီးမှ…

“ဒီမှာ… ခင်ဗျား ကျုပ်ကို ဒီနေရာအထိ ခေါ်လာပြီး ဒီနည်းနဲ့ စော်ကားစရာ မလိုဘူး.. ခင်ဗျားမှာ ပိုက်ဆံတွေ သိပ်ပေါပြီး ထားစရာ နေရာမရှိရင် မျက်မမြင်ကျောင်းတို့ မိဘမဲ့ ကလေးများ ဂေဟာတို့ကို သွားလှူပစ်လိုက်ပါ… ကျုပ်ကိုတော့ ဒီလိုနည်းနဲ့ ဆွယ်တရားဟောဖို့ မစဉ်းစားနဲ့… ကျုပ်လုပ်နေတဲ့အလုပ်ဟာ အောက်တန်းကျတယ်လို့ ခင်ဗျား ထင်ချင် ထင်နေလိမ့်မယ် ဒါပေမယ့် ဘယ်သူ့ကိုမှ မထိခိုက်ဖူး… အလုပ်ရှင်နဲ့ အလုပ်သမား တန်ရာ တန်ကြေးပေးပြီး ဆက်ဆံကြတယ်… ရလာတဲ့ အခကြေးငွေဟာ ကျုပ်အတွက်တော့ သန့်ရှင်း စင်ကြယ်တယ်… ကျုပ်ကလည်း အဲဒီလုပ်အားခကိုပဲ မြတ်နိုးတယ်… သမာအာဇီဝမကျပဲ လူလူချင်း ကတုံးပေါ် ထိပ်ကွက်ပြီး ပေါပေါလောလော ရထားတဲ့ ငွေထဲက ပိုလျှံလို့ ပေးလာမယ့် ငွေတထပ်ကို ကျုပ် မမက်မောဘူး… အလကားရတိုင်း လိုချင်တဲ့ လူတန်းစားထဲမှာ ကျုပ် မပါဘူး… ကျုပ်ပေးခဲ့တဲ့ အချိန် တနာရီအတွက် တန်ရာ တန်ကြေးကို ပေးပါ… ကျုပ်ပြန်မယ်…”

စကားအဆုံးမှာ သူ့ကို အနည်းငယ်အံ့သြသွားသော မျက်နှာဖြင့် စိုက်ကြည့်နေသော ထိုမိန်းမကို စားပွဲပေါ်ရှိ ရေဗူးဖြင့် လွှဲ၍ ပစ်ပေါက်လိုက်ချင်စိတ်ကို ကြိုးစား ထိန်းချုပ်ရင်း ထိုမိန်းမကို စူးစူးဝါးဝါး ပြန်ကြည့်နေလိုက်သည်။ ထိုမိန်းမက သူ့ဒေါသနှင့် သူ့စကားလုံးများကို ဘာမှ ထူးထူးခြားခြား မခံစားရလေဟန်ဖြင့် သူမကိုင်လာသော ပိုက်ဆံအိပ်ထဲမှ ငွေစက္ကူတထပ်ကို ဆွဲထုတ်ကာ သူ့ထံသို့ ကမ်းပေးလိုက်သည်။ တချက်လှမ်းကြည့်လိုက်ရုံဖြင့် လိုအပ်သည်ထက် ပိုများနေမှန်း သိသာသော ငွေစက္ကူများထဲမှ သုံးပုံတပုံခန့်ကို ဆွဲထုတ်ကာ ကျန်ငွေများကို ထိုမိန်းမထိုင်နေသော သားရေဆိုဖါပေါ်သို့ ပြန်ပစ်တင်ပေးလိုက်သည်။ ပြီးတော့ အခန်တံခါးကို အသံမြည်အောင် ဆွဲပိတ်ကာ သူ ထွက်လာခဲ့သည်။ လုံးဝ နောက်သို့ ပြန်လှည့်မကြည့်ခဲ့…။ နားထဲမှာ ထိုမိန်းမ၏ ရယ်သံ တိုးသဲ့သဲ့ကို မကောင်းဆိုးဝါး အသံတခုလို ပြန်လည် ကြားယောင်နေမိသည်။ ရုပ်ကလေးလှသလောက် လူတဖက်သားကို သိပ်စော်ကားတတ်တဲ့ မိန်းမပဲ…

ဟိုတယ်ဝင်းအပြင်ဖက် လမ်းမပေါ်ရောက်သောအခါ ဒေါ်သအရှိန်ကြောင့် တွေ့ရာ ကျောက်ခဲတလုံးကို အားဖြင့် လွှဲကန်လိုက်မိသည်…။ ထိုစဉ် မျက်လုံးထဲမှာ ထိုမိန်းမ၏ အကြည့်စူးစူးတို့ကို ပြန်လည် မြင်ယောင်လာပြန်သည်။ သူ ခေါင်းကို ခပ်ပြင်းပြင်း ခါထုတ်လိုက်ပြီး လက်ထဲမှာ ပတ်ထားသော အနီရောင် လက်ပတ်ကြိုးလေးကို တချက် ငုံ့ကြည့်ရင်း မှောင်စပျိုးနေသော ညနေခင်းထဲသို့ ခြေလှမ်း စိတ်စိတ်ဖြင့် ခပ်သွက်သွက် တိုးဝင်သွားလိုက်သည်…။

*****

ကမ်းစပ်သို့ တဝုန်းဝုန်း လာရောက်ရိုက်ခတ်နေသော ရေလှိုင်းများနှင့်အတူ အနီရောင်ကြိုးကလေး မျက်စိအောက်မှ ပျောက်သွားခဲ့သည်…။ အတိတ်ဆိုသည်မှာ အချိန်ကာလ မည်မျှပင် ကြာမြင့်စေကာမူ မေ့ပျောက်စေနိုင်သောအရာတခု မဟုတ်မှန်း အချိန်ကြာလာသည်နှင့်အမျှ သိရှိနားလည်လာသော်လည်း အတတ်နိုင်ဆုံးတော့ ကြိုးစားမေ့ဖျောက်ကာ မှန်ကန်သော စိတ်အစဉ်တို့ဖြင့် ရှေ့ခရီးကို ဆက်လှမ်းဖို့ သူ သေချာနေခဲ့သည်…။ တချိန်တည်းမှာ သူ့ကို မခံချင်စိတ်တို့ဖြင့် လမ်းမှန်ပေါ်ရောက်အောင် တွန်းပို့ပေးလိုက်သော သွေးမတော် သားမစပ် မိန်းမတယောက်၏ အထက်စီးဆန်ဆန် အကြည့်စူးစူးတချို့တွင် စေတနာ အငွေ့အသက်များ များစွာပါဝင်နေကြောင်း သူ သေသေချာချာ နားလည်သွားခဲ့ပြီဖြစ်သည်…။



- ၂၀၁၂ ဧပြီလ - အပြာရောင်ဝန်ဆောင်မှု (Bluish Business) E Book
- ၂၀၁၃ ဧပြီလ - Idea Magazine


Thursday, May 9, 2013

ပုဝါတစ်ထည် အမြန် အလိုရှိသည်

သစ်ပင် ပန်းပင် စိမ်းစိမ်းစိုစိုနဲ့ ပန်းခြံလေးမှာ ညနေတိုင်း စာအုပ်တအုပ် ကော်ဖီတခွက်နဲ့ ကျွန်မ လာထိုင်နေကျ… အဲဒီညနေက မိုးအုံ့နေမှန်း သိသိကြီးနဲ့ လာခဲ့မိတာ…။ ထီးဆောင်လေ့မရှိသူတယောက်မို့ မိုးစက်မိုးပေါက်တွေ ကျလာတော့ အမိုးလေးရှိတဲ့ နေရာကို အပြေးလာပြီး မိုးခိုရတယ်။ ကံကောင်းစွာနဲ့ အမိုးလေးအောက်မှာ ထိုင်စရာ နေရာ တနေရာ ရခဲ့တယ်…။ ကိုယ့်လို မိုးခိုနေတဲ့ သူတွေလည်း ရှိနေတယ်။ မိုးခိုနေရင်း လက်ထဲက စာအုပ်ကို ဖွင့်ဖတ်မယ် အလုပ်မှာ စကားသံတခု နားထဲကို စူးစူးရှရှ ထိုးဖေါက် ၀င်ရောက်လာခဲ့တယ်။

“ဒီမှာရှင့်… ဒီမှာ… ခုနက ပြောလက်စ စကား ဆက်ရအုံးမယ်… ကျွန်မပြောနေတာ ရှင်ကြားရဲ့လား… နားထောင်နေရဲ့လား… သေသေချာချာ နားထောင်စမ်းပါရှင်…”

မျက်လုံးထောင့်ကနေ အသာ ခိုးကြည့်လိုက်တော့ သပ်သပ်ရပ်ရပ် ၀တ်စားဆင်ယင်ထားတဲ့ လူလတ်ပိုင်း အမျိုးသားတယောက်နဲ့ အမျိုးသမီးတယောက်… ကြည့်ရတာ လင်မယား နှစ်ယောက် ဖြစ်ပုံရပါတယ်။ ပြီးတော့ ကျွန်မလိုပဲ ဒီနေရာမှာ လာခိုရင်း မိုးအတိတ်ကို စောင့်နေကြပုံပါ…။

“ဒီမှာ ကျွန်မကိုယ်ပေါ်မှာ ကျွန်မ အမုန်းဆုံးနေရာ တနေရာရှိတယ် အဲဒါ ဘယ်နေရာ ဖြစ်နိုင်လဲ သိလား…”

ဘုရားရေ…. ကျွန်မ စိတ်ထဲကနေ ဘုရား တ လိုက်မိပါတယ်…။

“မေးနေတယ်လေ… မေးနေတာ ဖြေပါအုံး… ရှင်နဲ့ စကားပြောရရင် ဒီလိုချည်းပဲ… ဘာမေးမေး ဘာပြောပြော သိသလိုလို မသိသလိုလိုနဲ့… ပြီးတော့ တယောက်တည်း စကားပြောနေရသလိုလို… စကားမပြောတတ်တဲ့ သူတယောက်နဲ့ စကားပြောနေရသလို… ဘေးကလူကိုလည်း အားနာပါအုံး… ခက်များ ခက်ရချည်ရဲ့ရှင်…”

“ဒီမယ်… ကျွန်မကိုယ်ပေါ်မှာ ကျွန်မ အမုန်းဆုံးနေရာက လည်ပင်း ရှင့်… လည်ပင်း… သိရဲ့လား…”


ဘုရားရေ… ဒုတိယအကြိမ် ကျွန်မ ဘုရား တ မိပါတယ်။ လည်ပင်းဆိုပါလား… လည်ပင်းဆိုတာ အသက်အန္တရာယ်နဲ့ အနီးဆုံး၊ တခု တခု လုပ်ကြံဖို့ အလွယ်ကူဆုံး နေရာ မဟုတ်လား… ရုပ်ရှင်တွေထဲမှာ လူဆိုးတွေ ချကြ နှက်ကြတဲ့အခါ လည်ပင်းညှစ်သတ်တဲ့ အခန်းတွေမှာ မျက်လုံး အပြူးသားနဲ့ လျှာကြီး ထွက်ပြီး သေသွားတဲ့ ဇာတ်လိုက်တွေကို ကျွန်မ မြင်ယောင်မိတယ်။ ဒီမိန်းမ ဘာများ လုပ်တော့မလို့ပါလိမ့်…။

“ရှင် ဘာဖြစ်လို့ ကျွန်မကို မျက်လုံး အပြူးသားနဲ့ ပြန်ကြည့်နေရတာလဲ… ကျွန်မပြောနေတာ နားမလည်လို့လား…။ ဟောဒီမှာလေ… လည်ပင်း… တွေ့သလား… အဲဒီလည်ပင်းကို ကျွန်မ အမုန်းဆုံးရှင့်…”

ပြောပြောဆိုဆိုနဲ့ အဲဒီမိန်းမ သူ့လည်ပင်းကို သူ ပွတ်နေတာ မျက်လုံးထောင့်ကနေ မြင်နေရတယ်… စိတ်ထင်လို့ပဲလား မသိ… တချက်တချက်မှာ လည်ပင်းကို သူ့လက်နဲ့သူ ညှစ်လိုက်သယောင်ယောင်…။ ကိုယ့်ကိုယ်ကိုယ်တော့ လည်ပင်းကို ညှစ်ရင်း သေကြောင်းမကြံတတ်ရာ… လို့ တွေးနေမိတယ်…။

“မေးချင်လည်း ပွင့်ပွင့်လင်းလင်း ပြန်မေးလိုက်ပါလားတော်… မိန်းမရေ… ဘာဖြစ်လို့ မင်း လည်ပင်းကို မင်း မုန်းရသလဲ လို့ ပြန်မေးလိုက်ပါတော်… အခုတော့ တကတည်းမှပဲ…။ မပွင့်တပွင့်၊ မလှုပ်မယှက်နဲ့ ကျွန်မကို အထူးတဆန်း ပြန်ကြည့်နေရတယ်လို့…။ မှန်း… ရှင့်လည်ပင်းရော… ဘယ်လိုနေသလဲ…”

အဲဒီမိန်းမ လက်ကလည်း မြန်လိုက်တာ လွန်ပါရော… ဘေးနားက အမျိုးသားရဲ့ လည်ပင်းကို မြင်ရဖို့ ရှပ်အင်္ကျီကော်လာစကို ဆွဲဖယ်နေတာ ရိပ်ကနဲ လှမ်းတွေ့လိုက်တယ်။ စိတ်ထဲမှာလည်း ထင့်သွားတယ်။ ကျွန်မ လိုအပ်ရင် ကူညီစရာရှိရင် ကူညီဖို့အတွက်… လက်ကိုင်ဖုန်းကို ခပ်တင်းတင်း ကိုင်ထားရင်း အသင့်အနေအထားနဲ့ ကိုယ်ကို ခပ်မတ်မတ် ပြင်ပြီး ထိုင်လိုက်တယ်။ အဲဒီအချိန်မှာပဲ နားထဲကို စကားသံတွေ ရောက်လာခဲ့ပြန်တယ်…။

“အင်း… ရှင့်လည်ပင်းကတော့ သူလို ကိုယ်လို လည်ပင်း ပါပဲ… ဘာမှ သိပ်မထူးခြားလှပါဘူး…”

အမျိုးသမီးရဲ့ ကောက်ချက်ချ စကားအဆုံးမှာ ကျွန်မ နည်းနည်း စိတ်သက်သာရာ ရသွားတယ်။ သူလို ကိုယ်လို လည်ပင်း ဆိုတဲ့စကားကိုတော့ တအား စိတ်ဝင်စားပေမယ့် ကျွန်မ မော့မကြည့်ရဲဘူး…။ ကျွန်မရော ဘယ်လို လည်ပင်းမျိုးကို ပိုင်ဆိုင်နေပါသလဲ…။ အိတ်ထဲမှာ အသင့်ပါလာတဲ့ လေးထောင့် ပေါင်ဒါဘူးထဲက မှန်ကို ထုတ်ကြည့်ချင်စိတ်ကို ချိုးနှိမ်ရင်း ဆက်ပြောလာမယ့် စကားသံကို အာရုံစိုက်နေမိတယ်…။

“ဒီလိုရှင့်… မိန်းမတွေရဲ့ အသက်ကို မှန်းချင်ရင် လည်ပင်းကို ကြည့်ရတယ် တဲ့…။ လည်ပင်းတွေကတော့ အမျိုးအစား အများကြီးရှိတာပေါ့တော်…”

ဗုဒ္ဗေါ… သူ့စကားအဆုံးမှာ အခုနက တွေးနေတဲ့ အသက်အန္တရာယ်အကြောင်း ဘာညာတွေအားလုံး ကြက်ပျောက် ငှက်ပျောက် ပျောက်သွားပြီး ကျွန်မ အရမ်းရယ်ချင်သွားတယ်…။ သို့သော်လည်း နှုတ်ခမ်းကို နာနာကိုက်လို့ မရယ်မိအောင် ကြိုးစားရင်း ဆက်ပြောလာမယ့် စကားတွေကို နားစွင့်နေလိုက်တယ်။

“ကြက်ခြေထောက်တွေလို အရစ်အရစ်ထနေတဲ့ လည်ပင်း၊ ဆင်နှာမောင်းလို ကြီးမား တုတ်ခိုင်နေတဲ့ လည်ပင်း၊ အဆီတထပ် အသားတထပ်နဲ့ ဘူဇွာလို ၀နေတဲ့ လည်ပင်း၊ အရေပြားတွေ ရော့ရဲ ပျော့တွဲကျနေတဲ့ လည်ပင်း၊ အသားအရေတွေ သွေ့ခြောက်ပြီး ပတ်ကြားအက်နေတဲ့ လည်ပင်း၊ ပိန်ညောင်ညောင် အရိုးဂေါက်ဂက်နဲ့ ပုလွေရိုးလို လည်ပင်း… မဲတူးတူး ညစ်ထေးထေး လည်ပင်း… အမလေး ပြောရရင် ဆုံးမှာကို မဟုတ်ဘူး…။ အဲဒီလိုလည်ပင်းတွေကို ကြည့်ပြီး မိန်းမတွေရဲ့ အသက်ကို မှန်းလို့ရတာတဲ့… ရှင် သိရဲ့လား…”

ကျွန်မ အသက်ရှူဖို့ ခဏ မေ့သွားတယ်။ ပြီးတော့ အိတ်ထဲက ပေါင်ဒါဘူးလေးကို အသာ စမ်းနေမိတယ်… ကျွန်မ မှန် အရမ်းကြည့်ချင်နေပြီ…။

“မိန်းမတယောက် မျက်နှာက မိတ်ကပ်ကောင်းကောင်းနဲ့ ဖုံးထားလို့ ဘယ်လောက်ပဲ နုနေ လှနေပေမဲ့ အဲဒီလို လည်ပင်းတွေ ရုပ်ပျက်နေပြီဆိုရင်… ဒါမှမဟုတ် လည်ပင်းတွေကို လူမမြင်အောင် တနည်းနည်းနဲ့ ဖုံးကွယ်လာပြီဆိုရင်… အဲဒီမိန်းမဟာ အသက်လေးဆယ်ထဲ ၀င်စ ပြုနေပြီတဲ့ရှင့်… သိရဲ့လား… နောက်ပြီးတော့ မိန်းမတွေကလည်း မျက်နှာလေးပဲ လူမြင်ကောင်းရုံ လိမ်းခြယ်ကြတာ လည်ပင်းကျ ဘယ်သူမှ ကောင်းကောင်း ဂရုစိုက်ကြတာ မဟုတ်ဘူး… မျက်နှာက ဖွေးဖွေးရေးရေး… နှုတ်ခမ်းနီ ပါးနီတွေ ခြယ်လို့… လည်ပင်းကျ ညစ်ထပ်ထပ်နဲ့… လည်ပင်းနဲ့ မျက်နှာ အရောင်တွေ ကွာနေတာ အတော်ကို ကြည့်ရ ရုပ်ဆိုးတာရှင့်…”

ဒီတခါတော့ ကိုယ့်ကိုယ်ကိုယ်ထက် အဲဒီမိန်းမရဲ့ လည်ပင်းကို ကြည့်ချင် မြင်ချင်စိတ်က ပိုများနေပြန်တယ်။ တွေးနေတုန်းမှာ အဲဒီမိန်းမက ပြောပြောဆိုဆိုနဲ့ သူ့မှာ အသင့်ပါလာတဲ့ ပုဝါ ခပ်ပါးပါးတစကို ထုတ်ယူပြီး လည်ပင်းမှာ ရော့တိ ရော့ရဲ ပတ်ချည်လိုက်တယ်…။ သူ့လည်ပင်းကို ကျွန်မ တွေ့မြင်ခွင့် မရလိုက်ဘူး…။ ပြီးတာနဲ့ ထိုင်နေရာကနေ ဆတ်ကနဲ ထရပ်ရင်း သူ့အမျိုးသားကို “လာ… သွားကြစို့… မိုးတိတ်နေပြီ…” လို့ ပြောလိုက်တယ်။ အေးစက်စက် မျက်နှာသေနဲ့ ကိုအ၀ှာလည်း ထိုင်ရာက ထပြီး ပုဝါစ တလွင့်လွင့်နဲ့ မိန်းမနောက်ကို လိုက်သွားတယ်…။ ဟုတ်တယ်… အပြင်ဖက်မှာ မိုးကလည်း စဲသွားပြီ…။

သူတို့နှစ်ယောက် ထွက်သွားတာကို လိုက်ကြည့်နေရင်း ကျွန်မ ရယ်ချင်စိတ်တ၀က်နဲ့ ကျန်ခဲ့ပေမဲ့ အိတ်ထဲက မှန်ကို ထုတ်ကြည့်ဖို့ မရဲဘူး ဖြစ်နေပြန်တယ်…။ စိတ်ထဲမှာတော့ မိန်းမနဲ့ ယောက်ျား မတူညီကြတဲ့ သဘာဝရယ်… သူ ပုံဖေါ်သွားတဲ့ လည်ပင်းတွေ အကြောင်းရယ် ကျန်ရစ်ပြီး လက်တဖက်က ကိုယ့် လည်ပင်းကို အသာ စမ်းရင်း… ပါလာတဲ့ ပေါင်ဒါဘူး ဖွင့်ပြီး လည်ပင်းကို ပွတ်လိမ်းရတော့မလို… အခုချက်ခြင်း ပုဝါတွေပဲ ပြေးဝယ်ရတော့မလို… မျက်နှာလိမ်းတဲ့ မိတ်ကပ်အရည်တွေပဲ ထပ်ဝယ်ရတော့မလို… ယောက်ယက်ခတ် အတွေးတွေနဲ့…။

သေချာတာကတော့ အပြန်လမ်းမှာ ကျွန်မ ပုဝါ တစ်ထည် (မဖြစ်မနေ) ၀ယ်ဖြစ်ပါလိမ့်မယ်…။
ဘာဖြစ်လို့ဆို ကျွန်မအသက်က လေးဆယ်ကို အတော်လေး စွန်းနေခဲ့ပြီကိုး….။




မှတ်ချက် - 2013 August - Look Magazine တွင် ဖေါ်ပြပြီး ဖြစ်သည်။

Monday, May 6, 2013

ဂိမ်းကစားခြင်းကို ဘယ်လို ထိန်းချုပ်ကျော်ဖြတ်ကြမှာလဲ

အခုလို အိုင်တီခေတ်မှာ ကြီးပြင်းလာတဲ့ ကလေးငယ် အများစုဟာ အသက်အရွယ်ကို လိုက်လို့ သူတို့နဲ့ သင့်တော်တဲ့ ဂိမ်းတွေကို တီဗီ၊ ကွန်ပျူတာ နဲ့ တက်ပလက်တွေ၊ လက်ကိုင်ဖုန်းတွေကနေ တဆင့် ကစားတတ်လာကြပါတယ်။ ဂိမ်း ဆိုတဲ့နေရာမှာ တီဗွီနဲ့ ဆက်ပြီးကစားရတဲ့ ကိုယ်လက်လှုပ်ရှားမှုဖြစ်စေတဲ့ Wii လို ဂိမ်းမျိုး၊ Play Station, X-Box လို ဂိမ်းမျိုး တွေအပြင် ကွန်ပျူတာမှာ ရိုးရိုးတန်းတန်း ဒေါင်းလုဒ် ချပြီး ကစားရတဲ့ ဂိမ်းတွေရှိသလို အင်တာနက်ကို ချိတ်ဆက်ပြီးမှ ကစားရတဲ့ အွန်လိုင်းဂိမ်းတွေ… စသည်ဖြင့် ဂိမ်းတွေ အမျိုးမျိုး ရှိပါတယ်။

တိုက်ခန်းနဲ့ နေရတဲ့ ကလေး၊ ဆော့စရာ မြေကျယ်ကျယ် မရှိတဲ့ကလေးတွေဟာ မိဘတွေ မအားလပ်လို့ ကစားကွင်းကို အချိန်တိုင်း လိုက်မပို့နိုင်တဲ့အခါ သူ့ရဲ့ အချိန်ပိုတွေအတွက် ဂိမ်းကစားလိုပါတယ်။ သစ်ပင် ပန်းပင်တွေ ဝေေ၀ဆာဆာနဲ့ ခြံကျယ် ၀န်းကျယ်မှာ ပြေးလွှား ခုန်ပေါက် ဆော့ကစားလို့ရတဲ့ ကလေးကလည်း အချိန်တန်ရင် သူများနည်းတူ ဂိမ်းကစားချင်ပါတယ်။ အိမ်မှာ ကွန်ပျူတာ မရှိတဲ့ ကလေးတွေကလည်း ဆိုင်မှာသွားပြီး တနာရီ ဘယ်လောက်ဆိုတဲ့ သတ်မှတ်ဈေးနှုန်းနဲ့ ဂိမ်းကစားကြပါတယ်။ မိဘတွေအနေနဲ့ကလည်း ကိုယ့်ကလေးကို မျက်စိအောက်မှာ ငြိမ်ငြိမ်သက်သက် ကစားနေတာကို တွေ့လိုတဲ့အခါ တီဗွီဂိမ်း၊ ကွန်ပျူတာဂိမ်း၊ လက်ကိုင်ဖုန်းက ဂိမ်း… အစရှိတဲ့ ဂိမ်းတွေကို ကစားဖို့ ခွင့်ပြုဖြစ်ပါတယ်။

သုတေသန စာတမ်းတခုမှာ ဖတ်လိုက်ရတာက ကလေးတွေဟာ ပြင်ပကမ္ဘာကို တစ တစ နဲ့ လျှစ်လျှူရှုလာကြပြီး သူတို့ရဲ့ အချိန်တော်တော်များများကို အင်တာနက်မှာ ဂိမ်းကစားရင်း ကုန်ဆုံးစေပါတယ် တဲ့…။ အဲဒီလို ကစားတဲ့အခါမှာ ယောက်ျားလေးတယောက်ဟာ ပျမ်းမျှအားဖြင့် တပတ်ကို အနည်းဆုံး ဂိမ်းကစားချိန် ဆယ့်သုံးနာရီ ရှိပြီး မိန်းကလေးတယောက်ဟာ ငါးနာရီ ရှိတယ်လို့ ဆိုပါတယ်။ အဲဒီလို ကလေးတိုင်းနီးနီး ခုံမင် စွဲမက်စွာ ဂိမ်းကစားကြတဲ့ ခေတ်ထဲမှာ မိဘတွေဟာ ကလေးတွေ ဂိမ်းကစားနေတာနဲ့ ပတ်သက်လို့ ဘယ်လို သတိထားသင့်သလဲ၊ ဘယ်လို ထိန်းချုပ်သင့်သလဲ ဆိုတဲ့ အချက်ကို အဓိကထား ပြောချင်ပါတယ်။


ပထမဆုံးအဆင့်အနေနဲ့ အသက် တနှစ်ကျော်ကျော် နှစ်နှစ်နီးပါး အရွယ် ကလေးငယ်လေးတွေကို ကြည့်ရအောင်…။ စကားတောင် သွက်သွက် မပြောနိုင်သေးတဲ့ အဲဒီအရွယ် ကလေးငယ်လေးတွေဟာ သူတို့ရဲ့ ဖေဖေ မေမေတွေဆီက လက်ကိုင်ဖုန်းလေးတွေကို ယူပြီး တောင်နှိပ် မြောက်နှိပ် နှိပ်ရမှန်း သိနေပါပြီ။ အဲဒီကမှ တဆင့်တက်ပြီး ဘောလုံးဖေါက်တဲ့ ဂိမ်းမျိုးလေးတွေကို သူတို့ လက်ပိစိလေးတွေနဲ့ တို့ကာ ထိကာ ကစားတတ်စပြုလာပြီး ဘောလုံးလေးတွေ ဖေါက်ကနဲ ဖေါက်ကနဲ ပေါက်သွားတဲ့အခါမှာ သဘောကျ နှစ်ခြိုက်စွာ ခိုးခိုးခစ်ခစ်နဲ့ ရယ်မောတတ်နေကြပါပြီ…။ အဲဒီအချိန်မှာ သူတို့လက်ထဲကနေ ဖုန်းကို ပြန်ယူမိရင် ကျွက်ကျွက်ညံအောင် အော်ဟစ် ငိုယိုပြီး သူတို့ ဆန္ဒလေးတွေကို ထုတ်ဖေါ်ပြသတတ်နေပါပြီ…။ သို့သော်လည်း အဲဒီအရွယ်လေးတွေကို အာရုံပြောင်းရတာ အနည်းငယ် လွယ်ကူသေးတဲ့အတွက် သိပ်ပြဿနာ မကြီးသေးဘူးလို့ ဆိုနိုင်ပါတယ်…။

ဒုတိယအဆင့် - အသက် နှစ်နှစ်ကနေ အသက် ခြောက်နှစ် ပတ်ဝန်းကျင်ကိုရောက်လာတဲ့အခါ ကလေးတွေဟာ လက်ကိုင်ဖုန်းထဲက ဂိမ်းကို ဆော့ရုံနဲ့ အားမရတော့ပါဘူး။ တက်ပလက်တွေ ကွန်ပျူတာတွေက ဂိမ်းတွေကို စိတ်ပါဝင်စားစွာ ဆော့ချင်၊ ဆော့တတ်တဲ့ အရွယ်တွေ ဖြစ်လာကြပါပြီ။ အဲဒီအရွယ်မှာ မိဘတွေက ကိုယ့်သားသမီးလေးတွေကို တတ်ချင် သိချင်စိတ်တွေနဲ့အတူ အေ ဘီ စီ စာလုံးလေးတွေ ပါတဲ့ ဂိမ်းမျိုး၊ ကလေးသီချင်းလေးတွေ ဆိုတဲ့ ဂိမ်းမျိုးတွေကို လိုလို ချင်ချင်နဲ့ ပေးဆော့ကြပါတယ်။ ကွန်ပျူတာ ကီးဘုတ်ကနေတဆင့် အေ ဘီ စီ လေးတွေ တောင်တလုံး မြောက်တလုံး ရိုက်တတ်လာရင် မိဘတွေမှာ ကျေနပ် ကြည်နူးလို့…။ အဲဒီလို ဆော့ရင်းနဲ့ ကလေးတွေဟာ အဲဒီ ပစ္စည်းတွေနဲ့အတူ ဂိမ်း ဆိုတာကို စတင် စွဲလမ်းသွားကြပါတယ်။

အဲဒီနေရာမှာ ပြဿနာရှိလာတာကတော့ သူတို့လေးတွေရဲ့ မျက်စိပါ။ မသိ နားမလည်သေးတဲ့အရွယ်ဆိုတော့ အလင်းရောင် လုံလောက်တဲ့နေရာမှာ ဆော့ဖို့တွေ၊ မျက်စိနဲ့ အနည်းဆုံး တပေ အကွာမှာ ထားပြီး ကြည့်ဖို့တွေ ဘာတွေ သူတို့ မသိပါဘူး။ ကစားချင်တာ တခုပဲ သိပါတယ်။ ကစားတဲ့ထဲကို အာရုံရောက်သွားရင် တဖြည်းဖြည်းနဲ့ မျက်လုံးနဲ့ နီးနီးကပ်ကပ် ကြည့်နေမိတယ် ဆိုတာလည်း သူတို့ မသိတော့ပါဘူး။ ဂိမ်း ဆိုတဲ့ အမျိုးကလည်း အဲဒီလောက်အထိ စွဲပါတယ်။ အဲဒီလို သူတို့ကစားနေတဲ့ အချိန်မှာ မိဘကသာ သေသေချာချာ ဂရုမစိုက်ခဲ့ဘူး၊ ကလေးငြိမ်နေရင် ပြီးရောဆိုပြီး အလိုလိုက်ခဲ့၊ အချိန်ကို အကန့်အသတ်ထားပြီး မထိန်းချုပ်ခဲ့ဘူးဆိုရင် သူတို့လေးတွေရဲ့ မျက်စိတွေကို များစွာ ထိခိုက်နိုင်ပါတယ်။ မျက်စိရှေ့မှာတင် အသက် လေးနှစ်၊ ငါးနှစ်အရွယ်မှာ မျက်စိအားနည်းလို့ မျက်မှန်တပ်လိုက်ရတဲ့ ကလေးငယ်လေးတွေ တော်တော်များပါတယ်။

ကျောင်းစတက်ရတဲ့အရွယ် အသက် ခြောက်နှစ်ကနေ ဆယ်နှစ် ဆယ့်နှစ်နှစ်အရွယ် ကလေးတွေကို ကျွန်မအပါအ၀င် ကျွန်မပတ်ဝန်းကျင်က မိဘ အများစုကတော့ ကလေးတွေနဲ့ အပေးအယူလုပ်ပြီး အချိန် အကန့်အသတ်နဲ့ ဂိမ်းကစားခွင့်ပြုကြတာ တွေ့ရပါတယ်။ ဥပမာ - ကျောင်းကပြန်ရောက်ပြီး ခဏ အနားယူတဲ့အချိန်မှာ ဂိမ်း တနာရီဆော့ပြီးရင် နေ့လည် တရေး အိပ်ရမယ်နော်… ဒါမှမဟုတ်… တရေးအိပ်လို့ အိပ်ယာနိုးရင် ဂိမ်း တနာရီ ကစားရမယ်… ဒါမှမဟုတ် ကျောင်းကပါလာတဲ့ အိမ်စာတွေ ပြီးရင် ဂိမ်း တနာရီ ပေးကစားမယ်… စသည်ဖြင့် ကလေးတွေကို သင့်တင့် မျှတတဲ့ အပေးအယူတွေလုပ်ပြီး ဂိမ်းကစားခြင်းဆိုတဲ့ ခေါင်းစဉ်ကို ဖြတ်ကျော်ကြပါတယ်။ သူတို့တွေ ကစားတဲ့ ဂိမ်းတွေကိုလည်း တစေ့တစောင်း အကဲခတ်ရပါတယ်။ အွန်လိုင်းဂိမ်းတွေမှာ သူတို့အရွယ်နဲ့ မသင့်တော်တဲ့ ဂိမ်းတွေလည်း အများကြီး ရှိနေတာကိုး…။ အရာရာကို စူးစမ်းတတ်တဲ့ အရွယ်လေးတွေ ဖြစ်နေတာမို့ ဂိမ်းတခု ဆော့နေရင်းကနေ ဖြတ်ကနဲ ဖြတ်ကနဲ ပေါ်လာတတ်တဲ့ ကြော်ငြာတွေကတဆင့် နောက်ထပ် ဂိမ်းတွေ တခုကနေ တခု… အဲဒီမှာ ကလေးတွေ မကစားသင့်တဲ့ ဂိမ်းတွေ၊ မမြင်သင့်တဲ့ စာမျက်နှာတွေဆီ ရောက်မသွားဖို့ကိုလည်း မိဘတွေ တော်တော်လေး သတိထားရပါတယ်။

အဲဒီလို အပေးအယူနဲ့ ဂိမ်းကစားစေတဲ့အခါ သတ်မှတ်ထားတဲ့ အချိန်ပြည့်တဲ့အခါမှာ ကလေးတိုင်းလိုလိုမှာ တွေ့ရတဲ့ ပြဿနာကတော့ ဈေးဆစ်ကြတာပါ…။ ဂိမ်းကစားတာဟာ တော်တော်လေး ရပ်ရခက်တဲ့အတွက် နောက် ငါးမိနစ်… နောက် ဆယ် မိနစ်… စသည်ဖြင့် အချိန်ပိုတွေ တိုးတောင်းတတ်ကြပါတယ်။ တခါ နှစ်ခါ အလိုလိုက်နိုင်ပေမယ့် အဲဒီလို အခါတွေ များလာရင်တော့ နည်းနည်းလေး လေသံ မာမာပြောမှ သူတို့ ရပ်တန့်ကြပါတယ်…။ ပြီး မအိပ်ချင် အိပ်ချင်နဲ့ အိပ်ယာပေါ် မှောက်ရက်ကြီး သွားမှောက်နေတဲ့ ကလေးတွေ၊ အသံတိတ် ဆန္ဒပြတဲ့ ကလေးတွေလည်း အများကြီးပါ။ ဟုတ်ပါတယ်… အဲဒီလို အနေအထားမျိုးကို ကလေးတွေ အသက် ဆယ်နှစ် ဆယ့်နှစ်နှစ်လောက်အထိ ကျွန်မတို့ လိုတိုး ပိုလျော့နည်းနဲ့ ထိန်းချုပ်နိုင်ပါသေးတယ်…။

အသက် ဆယ့်နှစ်နှစ်ကျော်သွားတဲ့ ကလေးတွေ၊ အလယ်တန်းကျောင်းရောက်တဲ့ ကလေးတွေမှာ သူတို့ ကိုယ်ပိုင် Laptop လေးတွေ ကိုယ်စီ ၀ယ်ကြ ကိုင်ကြ အသုံးပြုကြရပါပြီ…။ မိဘတွေ အနေနဲ့ သူတို့ကို အချိန်မရွေး လက်လှမ်းမီနိုင်စေဖို့၊ အကြောင်းကိစ္စ တစုံတရာရှိရင် လွယ်လင့်တကူ ဆက်သွယ်နိုင်စေဖို့ လက်ကိုင်ဖုန်းလေးတွေကိုလည်း အသုံးပြုခွင့် ပေးရပါပြီ။ အဲဒီအချိန်မှာ ကလေးတွေ ဂိမ်းကစားတာကို ထိန်းချုပ်ဖို့ တော်တော်လေး ခက်ခဲသွားပါပြီ။ သူတို့ကို နားလည်အောင်၊ နားဝင်အောင်၊ ဂိမ်းကစားခြင်းနဲ့ ပတ်သက်ပြီး အကောင်း အဆိုးကို ခွဲတတ်အောင်၊ အိပ်ချိန် စားချိန် မျှမျှတတဖြစ်အောင် အကျိုးသင့် အကြောင်းသင့် ပြောပြရင်း ထိန်းချုပ်ဖို့သာ ရှိပါတော့တယ်။

သတင်းစာတွေမှာ မကြာခဏ ကြားနေ ဖတ်နေရတဲ့ ဂိမ်းကစားရင်း ထမင်းမေ့ ဟင်းမေ့ဖြစ်ပြီး အားပြတ် လဲကျပြီး သေဆုံးရတဲ့ အကြောင်းတွေ၊ အမေလုပ်သူက ဂိမ်းကစားတာ ကလေးကို အစာကျွေးဖို့ မေ့နေလို့ ကလေးလေး သေသွားရတဲ့ အကြောင်းတွေ၊ ဂိမ်းထဲမှာ သူ့ထက်ငါ အနိုင်ရအောင် ကစားရင်း အပြင်မှာပါ ရန်သူတွေဖြစ်ပြီး တယောက်တယောက် အညှိုးတကြီးနဲ့ သတ်ဖြတ်ကြတဲ့ အကြောင်းတွေ… အဲဒါတွေကို နမူနာထား ပြောပြပြီး အလွန်အကျွံ မဖြစ်အောင် ထိန်းဖို့သာ ရှိပါတယ်။ လုံးဝကြီး မကစားရဘူးရယ်လို့ ယတိပြတ် ဖြတ်ပစ်လိုက်ဖို့တော့ တကယ်ကိုပဲ မလွယ်ကူလှပါဘူး။

ဒါကြောင်း မိဘတွေအနေနဲ့ ကလေးတွေကို ဂိမ်းကစားခွင့် ပြုတဲ့အခါ ကိုယ့်ကလေးရဲ့ အသက်အရွယ်နဲ့ စိတ်အခြေအနေပေါ် မူတည်ပြီး သူတို့ကစားသင့်တဲ့ ဂိမ်းလေးတွေကို ကိုယ်တိုင် ရွေးချယ်ပေးစေချင်ပါတယ်။ ကစားနေတဲ့ ဂိမ်းအပေါ်မှာ အရမ်းကို စိတ်အားထက်သန်နေတဲ့ကလေး၊ တဖက်ကို အနိုင်ရလိုစိတ် ကြီးမားလှတဲ့ကလေး၊ ထိုးခုတ် သတ်ဖြတ်တာတွေကို သိပ်ခုံမင်နေတဲ့ကလေးမျိုးတွေကို တဖြည်းဖြည်းနဲ့ အလွန်အကျွံဖြစ်မလာရလေအောင် ဂိမ်းလေးတွေ ပြောင်းပေးသင့်ပါတယ်။ နောက်တခုက အခွေနဲ့ ကစားရတဲ့ ဂိမ်းတွေမှာ အသက်အရွယ် ကန့်သတ်ချက်တွေ ပါပါတယ်…။ အဲဒါကို သေသေချာချာ ကြည့်ပြီးမှ ကလေးရဲ့ အသက်နဲ့ လိုက်လျောညီထွေဖြစ်တဲ့ ဂိမ်းမျိုးကို ၀ယ်ပေးသင့်ပါတယ်။ ဖြစ်နိုင်ရင် မ၀ယ်ပေးခင်မှာ ငှားပြီး ကစားကြည့်စေတာမျိုး… ပြီးတော့ တခါတရံမှာ ကိုယ်တိုင် ကလေးနဲ့ အတူတူ ဂိမ်းဝင်ကစားပြီး ကလေးရဲ့ စိတ်ဓါတ်လေးကို မသိမသာနဲ့ အကဲခတ် လေ့လာဖို့လည်း လိုအပ်ပါသေးတယ်။ နောက်တခုကတော့ ကလေးကို အချိန်အကန့်အသတ်နဲ့ ကစားစေဖို့ရယ်၊ အများသူငါ (မိသားစု) မြင်ရတဲ့ နေရာမှာ ကစားစေဖို့လည်း လိုအပ်ပါတယ်။ ဒါမှလည်း ဂိမ်းထဲမှာ ဘယ်လိုပုံတွေ ပါသလဲ၊ ကိုယ့်ကလေး ဘယ်လိုဂိမ်းတွေကစားနေသလဲ၊ ဘယ်လိုအရုပ်တွေ ကြည့်နေသလဲ ၊ သူတို့နဲ့ သင့်တော်သလား မသင့်တော်ဘူးလား… စသည်ဖြင့် အလွယ်တကူ သိနိုင် မြင်နိုင်မှာ ဖြစ်ပါတယ်။

ခေတ်ရေစီးကြောင်းအရ ကလေးတွေကို ခွင့်ပြုရ လိုက်လျောရတဲ့အထဲမှာ ဂိမ်းကစားခြင်းဆိုတဲ့ ခေါင်းစဉ်ဟာ တဖြည်းဖြည်းနဲ့ နေရာယူ ကျယ်ပြန့်လာတာ တွေ့နေရပါတယ်။ ဒါကြောင့် မိဘများအနေနဲ့ ကိုယ့်ကလေးတွေရဲ့ အသက်အရွယ်၊ စိတ်ပိုင်းဆိုင်ရာ အနေအထား၊ ကျန်းမာရေး အခြေအနေ စတာတွေနဲ့ လိုက်လျောညီထွေဖြစ်တဲ့ ဂိမ်းတွေကို အချိန်အကန့်အသတ်နဲ့ ကစားတတ်အောင် သတိထားပြီး ဂရုစိုက်ကြဖို့ အကြံပြုလိုပါတယ်။



မှတ်ချက် - ၂၀၁၃ မေလ - Gamers Magazine တွင် ဖေါ်ပြပြီး ဖြစ်သည်။